Hhess-ed i teqsit agi !
Taqsit iste3jiben
Le3mer i tt-id yehhka yiwen.
Taqsit n a3ziz d 3ziza,
Sghur Ameziane Kezzar
Amacahu f lfetna,
i-gedhran ger watmaten,
nnif d lghirdh i tyita.
gher-s zzint lemkwahhel.
Wi bbwin l3err d ccama,
ur t-siriden isafen.
xas ad yenfu gher lghurba,
anda yedda ad a t-awdhen.
Argaz t-yigin yengha,
Yeger ifassen-is deg idammen,
Fellas mi d-tezzi ssa3a,
Yessared-iten g-mettawen.
Amacahu f iderma,
Teker ger sin yexxamen.
Ti3dewt turew-d d lemhhiba,
Ger sin deg warraw nnsen.
Taqsit n lhhub mi tebdha,
lwehhc ihres-d s-imnarren.
Wa yettawi g wa gher wa,
tikelt-a ad mmsengren.
Tura tebbwedh-ed gher lhherma.
Ulac d acu d-yeqqimen.
Argaz ad yagh timura,
Temettut ad a tt-nnghen.
Amacahu zzman yecfa,
Atah d acu d-qqaren.
Taqsit n a3ziz d 3ziza,
Degs d acu Igh d-ibbdhen.
Hhekun-d d yibbwas di ccetwa,
adfel yessa-d i wemnar.
Asalu yerrez ar tala,
Aseggad yettbe3 later,
Lhhyia tes3a lhiba ,
Yerza lfuci f tgecrar.
Zdat-es i3uhed ssyadha,
s usefru id-yerra ttar.
A3ziz
Ttwaligh-kem ger yetran,
Am tziri mi d-tedhma.
Tettwalidh-id deg genwan,
am win iteddun di tnafa.
Deg yidh ye3req deg iberdan,
itedu ur ur yezri anda,
ttwali-kem d asawen-in,
tett3addidh ur tyisedh.
Ur trfdedh win yeghlin,
G’webrid-im ad t-3efsedh.
D lhhubb-iw kem isullin,
Ma teghlidh-d att-xnusedh.
A3ziza :
Ur zdighegh igenni,
win jerheghur uksane&.
Ur iyi ttcabi &er tziri,
seddaw idhar ay 3acegh.
D l3ebd ula d nekkini,
ghas bghigh ttagwadegh.
Ugadegh att-ttemdel timi,
Ayen bghIgh ur t-ttawdhegh
Deg yidh m’ara d-yghli ttlma,
Ad a d-yehhbes lghaci.
A l3ica ad hhebsegh idhan,
Ad ak-ggegh ttaq illi.
Kecc 3eddid defir wexxam,
Yidnegh yiwen ur yettili.
Ayi-d-hkud I k-yenghen,
Ccuregh ula d nekkini
aberrah :
ayen akw ig-hhemel inettelit,
di tesraft n lemhhibba.
Yelli-d allen-is d targit,
yessufegh-itt s-ayen yebgha.
ibeddel-as udem I dunnit,
isfed akw ges3edda.
Abrid n le3ceq yettef-it,
Di ttlam ur t-issin ara.
Ttayri I s –yettfen afus,
Temyezran ur ttemlilin
Teqcict d ttaq au t3uss,
Thheku I yetran ghellin.
Ma terra ghef uqerru-s,
Tugad medden ad att-walin.
Yu3ar ma yefsi waggus,
F udhar-is ad as 3eddin.
A3ziz :
A tin ibeddan ar ttaq,
D ittij yedhwan timura.
Anida twhhadh yecreq,
Yeghli af-fur t-xziredh ara.
Tiziri yusmen tehhreq,
Warraghet tbeddel ssifa.
Tafat inem anda tewwet,
Yuli wass teghli tziri.
Ssut inem win yemlek,
Isell-as di tguni.
Afrux ibedd f ufurek,
Yeffegh-d ad a d Ighenni.
A3ziza:
Amek I d-kecmedh gher lhara,
ur tugadedh ad ak-ttfen ?
s ddre3 ghelqent tebbura,
leswar ur ttwaqdha3en.
Hhaca itri umeksa,
deg yidh i sen d-izegren.
Ttmagaregh-t s tirga,
D netta I ten isufughen.
Urgagh usu-k d azekka,
Degs mmaren idemmen.
Lehhmala inek d snesla,
Tcudd-iyi ifassen.
Beddel isem ad ak-teb3egh,
Ar wanda ulac imcumen.
I wexdhib-iw ad rewlegh,
Ad sgherseghimraren.
A3ziz :
Tura ur zrighd acu-iyi,
Beddlegh isem ggighlasel.
S wafriwen n tayri,
Zegreghlebhhur s swahel .
Laswar yennulen igenni,
nnejbaden ur iyi qqdhi3en.
D ul-iw iyi-mlan abrid,
Nekkini ikfigh-as allen.
gher zdat-em yebbwi-yi-d,
l3uss –iyi af ye3dawen.
Iseli talaba gidh,
3eddagh-d ur iyi faqen.
A3ziza :
Tefkidh-iyi l3ehd d areqaq,
Yemmut uqbel ad-ilal.
Iwwet tiyita l-lebreq,
I3edda ur d-fukkeghawal.
Axalf nezza leqqaq,
Ur yegmi, ur yettif akal,
Akken kan I d-yetterdheq,
Urgagh yebbwi-t uhhemmal.
Slighi ssut ar wexxam,
La-yi-d tessawal yemma.
Yefregh-d yitij deg wamam,
Tafat tbedd ghef yezra.
3elli a lbaz deg’genwan,
ad ak ggegh di lehna.
Ayi-d-tafed deg wemkan,
Azekka akka imira.
Aberrahh :
Achhal i3awzen udhan,
Ay hhkan di tmucuha.
Isafen ccuren d’urfan,
hemmlen uzlen d isefra.
Achal isebren i wussan,
d izumal ur nttfaka,
ttrun ghef ayen i3addan,
bedden af wemnar n ccetwa.
Ruhh a zzman ughal a zzaman,
Slan akw medden merra.
A3eqa lgguz mi terzan,
ufan-t s daxel yerka
lexbar nni yebbedh iderma,
adhu idega times.
Asghar f ihhurben yergha,
Awal igezzem am lemqes,
axdhib n teqcict yerfa,
tebbwedh-as tfidi ar yighes.
La yett3assa di berra,
Yegul deg we3ziz ar tikkes,
Timilit ar lfetna,
I3emmer lfuci ines.
Ad yekkes a3ziz f lqa3a
D netta ig-zzin ghures.
Tajme3t teccur d irgazen,
usan-d ad hhdren tamsalt.
Teghli temgertt garasen,
ttfujun-d di yal tighmert.
L3eqqal d imuqranen,
kkren-d a d-afen tifrat.
Hhekmen ghef win d-iqqimen,
ada d yenfu si taddart.
Taqcict thegga lekwfen,
Is ara tergel tasraft.
Tebgha att-tterwel fellasen,
Textar abrid n tmuqberth.
Yekcem timuqbert deg yidh,
Yettnadi anda ttentlen.
Yufa azekka d ajdid,
Akal assen I t qelben,
iwexxar-it isekfel-itt-id,
yufa-tt akken id att-yessen.
Idhelli urzen-tt lqid,
Ass-a s tmedlin ghelqen.
D l3ar ma yegwra-d wehhbib,
deffir tin-a t-ihhemmlen.
At taddart kkren-d ssbehh,
ufan-d azekka yefsi.
Zzlen daxel-is sin lerwahh,
tabburt n ljennet telli.
Lmut turew-ed ssmahh,
Da3wessu tergel Ighisi.
Mmlalen lesfuf di lqerh,
ti3dawt tu&al tt-ttadukli.
S idammen iserfdhen ljerh,
Yefsa ujejig n tayri.
Yess ay kecmen ghef laxert,
Taqsit nref-itt nekkwni.
